अबोध प्रेम

बिहानै बाउ छोरा घर नजिकै रहेको मन्दिर दर्शनका लागि निस्केका थियौं ।
मन्दिर दर्शनपछि बाबुलाई एउटा केक किनिदिए, बाबु खाँदै अघि लम्कदै थियो ।
अगाडी तीन कुकुरका पप्पी देख्यौं अनि बाबुले ती पप्पीहरुलाई दिए।
एक पप्पी कुकुरले सबै खाईदियो, अरुले खान पाएन ।
त्याँ बाट हामी अगाडी लम्कीयौं।
फेरी अलि अगाडी गत हप्ता मात्र सवारीसाधनले किचेको आफ्नो आधा शरीरको भाग
घिसार्दै सडक कुकुर हिँडदै थियो संगै घुम्न निस्केको छोराले भन्यो -
"बाबा, बाबा के भा?"
"गाडीले किचेको"
"अनि"
"ऐया भा त्यसलाई"
"अनि हस्पिटल लानु पर्दैन?"
"आफै ठिक हुन्छ भने"

केहि पर पुगे पछि फेरी भन्यो-
"ठुल्बाको गाडीमा लैजाम न"

यतिकैमा हजुरबुवा भेट्यौ
"बा! (हजुरबुवालाई बोलाउने नाम), कुकुरलाई ठुल्बाबाको गाडीमा लैजाम्"
"त्यो आफै ठिक हुन्छ" बुबाले पनि त्यसै भन्नु भयो ।

कुकुर र हाम्रो दुरि बड्दै गयो ।
यसै कुकुर प्रतिको मायाले म चुप लाग्दै छोरालाई भुलाउदै हिंडे ।

यो लेख्दा पनि बाहिर कुकुरहरु कराई रहेका थिए ।